ИНВЕСТИЦИЯЛЫҚ ШТАБ ОТЫРЫСЫНДА 10-НАН АСТАМ ЖАҢА ЖОБАЛАР ҰСЫНЫЛДЫ
Шымкент қаласының әкімі Мұрат Әйтеновтің төрағалығымен инвестициялық штабтың кезекті отырысы өтті. Жиында жаңа жобалар мен өзекті мәселелер, 2021 жылдың 9 айында негізгі капиталға салынған инвестициялардың игерілуі және хаттамалық тапсырмалардың орындалу барысы талқыға түсті.
«Zoom» жүйесі арқылы инвесторлар жаңа жобаларын ұсынды. Негізінен құрылыс, сауда, әлеуметтік нысандар, көпқабатты тұрғын үй бағытында, жалпы 10-нан астам жоба таныстырылды.
Атап айтқанда, трансформатор және электр техникалық құрылғылар өндіру зауыты, «Құрылыс Сервис – СК» ЖШС темір-бетон бұйымдары, Luhta компаниясының киім сауда үйі, «Мельнично-промышленная компания» ЖШС қоймалар, сауда және логистикалық ғимараттар, «S.V.U.group» ЖШС автосалон және автоқызмет, «GREEN CROSS ECO» ЖШС инсулинді инелер өндірісі, «NTR» ЖШС-нің көпқабатты тұрғын үй, Сайрам тұрғын алабында 1200 орындық мектеп құрылысы, 1200 орынға лайықталған зияткерлік Diplomat School мектебі құрылысы жобалары ұсынылды.
«Тассай» индустриалды аймағында орналасқан «GREEN CROSS ECO» ЖШС жылына 200 млн дана шприцтерге арналған инсулинды инелер шығаруға мүмкіндігі бар. Бүгінде құрылыс монтаж жұмыстары 100 % толық аяқталды. Қазір иженерлік жүйелермен қамту жұмыстары атқарылуда.
Жоба құны 600 млн теңге құрайтын темір-бетон бұйымдары өндірісінің басшылары инфрақұрылым жүйелерін тартып беруді сұрады.
Ал трансформатор және электр техникалық құрылғылар жобасын 2022 жылы жүзеге асыру жоспарланып отыр. 1,02 млрд теңге инвестиця тартылмақ. Кәсіпкерлерге «Оңтүстік» арнайы экономикалық аймақтан жер беру қарастырылуда.
Жаңа өндіріс орындары қаламыз үшін маңызды екенін айтқан қала басшысы ұсынылған жобаларға қолдау көрсетілетінін айтты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
