ШЫМКЕНТ: СУСЫН ШЫҒАРАТЫН ЗАУЫТ ҚҰРЫЛЫСЫНЫҢ МӘСЕЛЕСІ ТАЛҚЫЛАНДЫ
Бүгін қала әкімі Мұрат Әйтенов инвестиция тарту мақсатында «Coca-Cola Almaty Bottlers» БК» ЖШС өкілдерімен кездесті. Осыған дейінгі өткен кездесулер барысында талқыланған ұсыныстар негізінде Шымкентте сусын зауытын салу жобасы талқыланды. Инвестицияның жалпы көлемі 27 млрд теңгені құрайды. Кәсіпорын іске қосылса, 100 адамға жаңа жұмыс орны ашылады.
Бүгінде зауытты салуға Сауда-логистикалық орталығының кеңейтілуге жоспарланған аумағынан 16 га жер телімі бөлініп отыр. Онда газдалған және газдалмаған сусындар, мұздатылған шайлар мен түрлі шырындар шығарылатын болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
