ТҮРКІСТАН: БӘЙДІБЕКТЕ САЙЛАУДЫ ҰЙЫМДАСТЫРУ БОЙЫНША ОҚЫТУ СЕМИНАРЫ ӨТТІ
Бүгін Түркістан облыстық аумақтық сайлау комиссиясы төрағасының орынбасары Ә.Әлішев, сайлау комиссиясының мүшесі Д.Оразымбетов Бәйдібек ауданында оқыту семинарын өткізді.
Оған аудандық аумақтық сайлау комиссиясының төрағасы, орынбасары, хатшысы, барлық мүшелері және округтік, учаскелік сайлау комиссияларының төрағалары мен хатшылары қатысты.
Семинарда күнтізбелік жоспарға сай алдағы өтетін сайлауға дайындық және оны өткізу бойынша атқарылатын жұмыстар, сайлау барысында туындайтын ситуациялық сұрақтар көтеріліп, түсіндірме жұмыстары жүргізілді.
Семинарда қатысушылардың тараптарынан сауалдар қойылып, толыққанды жауаптар берілді.
Еске сала кетсек, биыл 19 наурызда елімізде Мәжіліс депутаттарының кезектен тыс сайлауы өтеді және осы күні мәслихат депутаттарын да сайлау жоспарланған.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
