“РАХЫНБАЕВТЫҢ РАХЫМЫ ТҮСТІ….”
“Жоқ жерден” кінарат тапқан “білгішбектер” Ғани Қанжігіттің кандидатурасын Шымкент қаласы маслихаты депутаттығына кандидат тізімінен алып тастаған еді. Алайда, Шымкент қаласының мамандандырылған ауданаралық әкімшілік сотының судьясы Нұрдәулет Рахынбаевтың рахымы түсіп, Ғани Қанжігітке жасалған ”қиянаттың” күшін жойды. Әділдік бар екен. Сот шешімімен Қанжігіт Ғани Қанжігітұлының 11-ші сайлау округі бойынша Шымкент қалалық маслихаты депутаттығына үміткер ретінде сайлауға қатысуына жол ашып берді. Рахынбаевтың рахымы түсіп, бір “қиянаттан” аман қалған Ғани Қанжігітке сәттілік. Ақжол тілеймін!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
