ПОЛИЦЕЙЛЕР БІРНЕШЕ МАЛ ҰРЛЫҒЫНА ҚАТЫСЫ БАР КҮДІКТІЛЕРДІ АНЫҚТАДЫ
Ордабасы аудандық полиция бөліміне жергілікті тұрғын арызданды. Онда жәбірленуші өзінің жеке шаруа қожалығынан әрқайсының құны шамамен 100 мың теңге тұратын 73 бас қошқары белгісіз жағдайда ұрланғанын көрсеткен. Оқиға бойынша жәбірленушіге шамамен 7.300.000 теңге шығын келген.
Ордабасы аудандық полиция бөлімінің жедел-тергеу тобы орын алған мал ұрлығы қылмысын ашу, күдіктілерді ұстау мақсатында мал тасымалдайтын көліктерді, мал базарларын мұқият тексеріп, қарқынды іс-шаралар жүргізді. Нәтижесінде, полицейлер мал ұрлығына қатысы бар 2 тұрғынның жеке басы анықтады.
Тергеу жұмыстары кезінде жоғарыда аталған ер адамдардың Ордабасы, Арыс және Қазығұрт аудандардарында тіркелген басқа да мал ұрлықтарына қатыстылығы анықталған. Айғақ ретінде ұрланған қойлардың бір бөлігі тәркіленіп алынған. Қазіргі таңда аталған жайт ҚР ҚК-нің 188-1-бабы «Мал ұрлығы» бойынша тіркеліп, сотқа дейінгі тергеп-тексеру амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
