ОТЫРАРЛЫҚ ПОЛИЦЕЙЛЕР ГҮЛ ШОҚТАРЫН ҚОЮ РӘСІМІН ӨТКІЗДІ
«Отан қорғаушылар күні» мен «Жеңіс күні» мерекесі аясында, Отырар аудандық полиция бөлімінің қызметкерлері «Батыр бабалар» аллеясында аудандық әкімдік өкілдерімен бірлесіп, ҰОС ардагерлері, Кеңес Одағының батырлары Т.Ибрагимов пен С.Ашировтың ескерткіштеріне гүл шоқтарын қою рәсімін өткізді. Бір минут үнсіздікпен еске алып, құрмет көрсетті.
Сондай-ақ Отырар ауданының әкімі А.Сұлтанханов қатысушыларды мерекемен құттықтап, тәртіп сақшылары мен бірқатар мекемелердің басшыларын грамота, алғыс хаттармен марапаттады.
Сонымен қатар Отырар АПБ бастығының міндетін атқарушы полиция подполковнигі М.Бөрібеков қызметтік міндеттерін адал орындағаны және жоғары нәтижелерге қол жеткізгені үшін 12 полиция қызметкерін марапаттады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
