БАТЫРЛАРЫМЫЗДЫҢ ЕРЛІГІ МӘҢГІ ЖАДЫМЫЗДА
Ұлы Жеңіс күні – аға буын мен олардың ерлігін сабақтаған қастерлі мейрам. Ардагерлеріміздің айбынды білегімен, қасық қанымен қорғап қалған бейбітшілік бізді жігерлендіріп, биік мақсаттарға жетелейді. Жеңістің қадірі бәріміз үшін аса қымбат, ұрпақ үшін тағылымы зор. Сайрам ауданының тәртіп сақшылары жыл сайын «Жеңіс күні» қарсаңында, соғыс ардагерлеріне құрмет көрсетуді дәстүрге айналдырған. Алайда Жеңіс күнін еске алатын ардагерлер қатары өкінішке орай, жыл өткен сайын сиреп барады.
Сайрам ауданының полицейлері ауданның Құрметті азаматы, ҰОС-ның қатысушыларына теңестірілген ардагер, ІІО-ның отставкадағы подполковнигі Ташходжа Аташевтің үйіне барып, мерекемен құттықтап қайтты. Тарихтың тірі көзі, кейінгі ұрпаққа өнеге болып отырған тыл ардагері Ташходжа Аль-Акбаровичке сый-құрмет көрсетіліп, қаржылай марапат жасалды. 97 жасқа қадам басқан қарияға мықты денсаулық тіледі.
Ал қазыналы қариямыз полицей ізбасарларына алғысын жаудырып, жүрекжарды лебізін білдіріп, бата берді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
