МЕКТЕПКЕ ОРНАЛАСТЫРЫП БЕРЕМІН ДЕП МИЛЛИОН ТЕҢГЕ АЛҒАН КҮДІКТІ АНЫҚТАЛДЫ
Келес ауданының полиция бөліміне жергілікті тұрғын шағымданған. Ол өз арызында өзінің танысы «мектепке жұмысқа орналастырып беремін» деп сеніміне кіріп, алдын ала 1.000.000 теңге ақшасын алып, бір жыл бойы алдап келгенін көрсеткен.
Аталған жайтты полицейлер ҚР ҚК-нің 190-бабы «Алаяқтық» бойынша тіркеуге алды.
Тәртіп сақшылар жедел-іздестіру іс-шараларын жүргізу барысында күдікті ретінде оның жеке басын анықтады. Ол шымкенттік жұмыссыз, ер адам болып шықты.
Белгілі болғандай, ер адам алған ақшаны бас пайдасына жаратып жіберген. Бұдан бөлек оның алаяқтықтың тағы бір жайтына қатыстылығы анықталды. Қазіргі таңда аталған жайтқа байланысты күдіктіге қатысты сотқа дейінгі тергеу амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
