ПОЛИЦЕЙЛЕР БҰРЫНҒЫ КҮЙЕУІНІҢ АҚШАСЫН ҰРЛАҒАН ӘЙЕЛДІ АНЫҚТАДЫ
Жетісай аудандық полиция бөліміне жергілікті тұрғын арызданып, үйінен ақша ұрланғанын жеткізді. Ер адамның айтуынша, жатын бөлмесіндегі шкаф ішінде тұрған 100.000 теңге ақшасын белгісіз біреу жымқырған.
Тәртіп сақшылары аталған фактіні ҚР ҚК-нің 188-бабы «Ұрлық» бойынша тіркеуге алды.
Полиция қызметкерлерімен жүргізілген жедел-іздестіру іс-шаралары барысында, осы іске қатысы бар сезікті «ізін суытпай» анықталды. Ол жәбірленушінің бұрынғы әйелі болып шықты.
Белгілі болғандай, күдікті әйел жолдасының үйіне қонуға кеткен қызын алып кетпек болып, кешкілік үйіне барған. Сол уақытта оның ұйықтап жатқан сәтін пайдаланып, шкафта тұрған ақшаны алып кеткен. Қазіргі таңда күдікті әйелге қатысты сотқа дейінгі тергеу амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
