КЕЛЕСТІК ПОЛИЦЕЙЛЕР ҚАЙЫРЫМДЫЛЫҚ ЖАСАДЫ
Тәртіп сақшылары — қылмыспен күресуде қарқынды жұмыс атқарып, әділдіктің шыңында жүретін, қайырымдылық шарасынан да қалыс қалмайтын жандар.
Мәселен Келес аудандық полиция бөлімінің кадр саясаты тобы мен жедел криминалистика тобының қызметкерлері бірлесіп, «Балаларды қорғау күні» мерекесіне орай Абай ауылының тұрғыны көпбалалы, жалғызбасты ананың отбасына арнайы барып, балаларын қуантып қайтты. Тұрмысқа бірінші кезекте қажетті азық-түліктер апарып, игі іс жасады.
Тәртіп сақшыларының ниетіне дән риза болған балалар өздерінің қуаныштарын жасырмады. Өткізілген қайырымдылық шарасы барысында көпбалалы ана Гүлжаухар Тұрдалина полицейлерге өзінің ризашылығын білдірді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
