ТҮРКІСТАН ОБЛЫСЫНЫҢ ПОЛИЦЕЙЛЕРІ ЗАҢСЫЗ АУЛАНҒАН 60 КЕЛІ БАЛЫҚТЫ ТӘРКІЛЕДІ
Шардара аудандық полиция бөлімінің табиғатты қорғау полициясының қызметкерлері «Уылдырық» жедел-профилактикалық іс-шарасы аясында, Арал-Сырдария облысаралық бассейндік балық шаруашылығы инспекциясының өкілдерімен бірлесіп, заңсыз балық аулаудың кезекті фактісін анықтап, жолын кесті.
Нақтырақ айтсақ, Шардара су қоймасы учаскелерінің бірінде рейд жүргізу барысында заңсыз балық аулаумен айналысқан Шардара қаласының тұрғынын анықтады. Тәртіп сақшылары ер адамнан қайық, балық аулау торлары мен 60 келіге жуық түрлі балық тәркіледі.
Бұл факт ҚР ҚК 335-бабы «Балық ресурстарын, басқа да су жануарларын немесе өсімдіктерді заңсыз алу» бойынша тіркелді.
Сотқа дейінгі тергеу амалдары жүргізілуде. Оқиғаның барлық мән-жайы анықталуда.
Өз кезегінде Түркістан облысының полицейлері азаматтарды табиғатты қорғау заңнамасын сақтауға және табиғатты қорғауға шақырады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
