ЛОМБАРДҚА АЛТЫНҒА ҰҚСАС БИЖУТЕРИЯ АЛҚАЛАРДЫ АЛДАП ӨТКІЗГЕН ЖЕТІСАЙЛЫҚ ТҰРҒЫН АНЫҚТАЛДЫ
Жетісай аудандық полиция бөліміне ломбардтан арыз түсті. Шағымданушы ер адамның айтуынша, сенімге кірген әйел алтынға ұқсас бижутерия алқаларын өткізіп алдап кеткенін жазып көрсеткен. Жәбірленушіге келтірген шығын көлемі 4 миллион теңге.
Полицейлер аталған фактіні ҚР ҚК-нің 190-бабы «Алаяқтық» бойынша тіркеуге алды. Тәртіп сақшылары алаяқтыққа қатысы бар күдіктінің жеке-басын анықтауға бағытталған жедел-іздестіру жұмыстарын жүргізді.
Нәтижесінде жергілікті тұрғын анықталып, жеткізілді.
Белгілі болғандай, күдікті әйел алғашқы уақыттарда тұрақты тұтынушы болып алтынның өзін өткізіп, артынан бижутерия алқаларды да қосып отырған. Ал ломбард қызметкерлері алтындардың жасанды екенін байқамай қалған. Осылайша жеңіл келген ақшаны бас пайдасына жаратқан.
Қазіргі уақытта күдікке ілінген әйелге қатысты тергеу амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
