ТҮРКІСТАН ОБЛЫСЫНЫҢ ПОЛИЦЕЙЛЕРІ «ХАЛЫҚАРАЛЫҚ МУЗЕЙ КҮНІ» ҚАРСАҢЫНДА МУЗЕЙГЕ БАРДЫ
Жыл сайын 18-мамырда «Халықаралық музей күні» аталып өтіледі. Осыған орай Түркістан облысы ПД-нің Кадр саясаты басқармасының ұйымдастыруымен облыс орталығының жас мамандарын «Ұлы дала елі» музейіне апарып, ондағы тарихи мұрағаттармен таныстырды.
Негізгі мақсат – ішкі істер органдары қызметкерлеріне аға ұрпақ қалдырған жәдігерлерді көрсете отырып, музей жұмысының рөлін арттыру, ІІО тарихы, қазақстандық полицияның ерліктерін дәріптеу, халық арасында полицияның оң имиджін қалыптастыру болып табылады.
Мұндай шаралардың өткізілуінде үлкен мән бар. Себебі, бұл — полиция қызметкерлері бойында патриотизмді одан ары күшейтіп, эстетикалық мәдениетті қалыптастыруға бағытталған.
Өз кезегінде музейге келіп, ұлттық құндылықтармен танысқан Түркістан қалалық полиция басқармасының жас полицейлері ерекше әсер алғандарын жеткізді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
