ЖЕТІСАЙЛЫҚ ПОЛИЦЕЙЛЕР «ОТБАСЫ КҮНІНДЕ» ИГІ ІС ЖАСАДЫ
Бүгінгі мереке қарсаңында, Жетісай аудандық полиция бөлімінің тәртіп сақшылары қызмет бабында қайтыс болған полиция майоры Ғабит Айтымбетовтың отбасына арнайы барды. Кездесуде Түркістан облысы ПД бастығы полиция генерал-майоры Мұрат Қабденовтің құттықтауын жеткізіп, бағалы сыйлығын табыстады. Жұлдызы ерте сөнген қызметтесінің ерлігін еске алды.
Сонымен қатар Жетісай қаласындағы жалғызбасты әже мен оның 2-сынып оқитын немересінің жағдайын сұрап қайтты. Аталмыш ақжаулықты анамызға азық-түлік апарып берді. Мереке кезінде өздерін елеп-ескеріп, сыйлық тарту етіп, құттықтаған полицейлерге Ғ.Айтымбетовтың отбасы пен әжей алғысын білдіріп, жұмыстарына сәттілік тіледі.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
