ТӨЛЕБИ АУДАНЫНДА 1 ТӘУЛІКТЕ 14 КӨЛІК АЙЫПТҰРАҚҚА ҚОЙЫЛДЫ
Түркістан облысы Полиция департаменті бастығының бұйрығына сәйкес «Құқықтық тәртіп» жедел-профилактикалық іс-шарасы Төлеби ауданында өткізілді. Басты мақсат — жедел жағдайды сауықтыру, қоғамдық тәртіпті сақтау, жүргізушілер арасында көлік тәртібін арттыру және жол-көлік оқиғаларының санын азайту.
Рейдтік-профилактикалық шара барысында тәртіп сақшылары 157 әкімшілік құқық бұзушылықты анықтады. Оның ішінде жол саласына қатыстысы 123 дерек. Ал айыптұраққа 14 автокөлік қойылды.
Көші-қон саласы бойынша құжатсыз жүрген 3 азамат анықталып, әкімшілік жауапкершілігі қаралды. Төлеби аудандық полиция бөлімінің есебінде тұратын 60-тан астам тұрғындармен профилактикалық жұмыстар жүргізілді.
Сонымен қатар 67 қару иесі тескеріліп, тиісті шаралар атқарылды. Полицейлер тұрғындарға қоғамдық тәртіп пен жол қауіпсіздігін қамтамасыз етуде заңдылықты сақтауға шақырады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
