ӨРТ СӨНДІРУ БЕКЕТТЕРІНІҢ ЖҰМЫСЫ ПЫСЫҚТАЛДЫ
Бүгін аудан әкімінің орынбасары Н.Талипов және аудандық төтенше жағдайлар бөлімінің басшысы Н.Бексейтов ауданымызда шалғай орналасқан ауылдық округтеріндегі өрт сөндіру бекеттерінің дайындық жұмыстарын бақылап қайтты.
Шалғайдағы дала өрттерінің алдын алу мақсатында аудан әкімі Арман Абдуллаевтың қолдауымен «өрт сөндіру бекеттері» ашылған болатын. Аудан орталығынан шалғайда орналасқан ауылдық округтер негізінен егістік пен жайылым алқабынан тұрады.
Аптап ыстықта ауылда төтенше жағдайлардың алдын алу және оны болдырмау — маңызды мәселе болып табылады.
Бұдан былай, әлдебір оқыс оқиға бола қалған жағдайда ауыл тұрғындары орталыққа алаңдамай, өз ауылдарының құтқару бригадасына жүгінбекші. Жыл бойы қызмет көрсететін мекемеге елдің сенімі мығым.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
