ЖҮРГІЗУШІЛЕР МЕН ЖҮРГІНШІЛЕРГЕ ЕСКЕРТУ ЖАСАЛДЫ

82

Шымкентте жүргізушілер мен жаяу жүргіншілерді жол қауіпсіздігінен сақтау мақсатында «Қауіпсіз жол» жедел профилактикалық іс-шарасы өткізілді. Еңбекші ауданы әкімдігі, Еңбекші ауданы прокуратурасы мен аудандық полиция басқармасы ұйымдастырған акция барысында қаладағы жаяу жүргіншілер мен жүргізушілерге жол ережелері туралы жаднама таратылып, мамандармен түсіндіру жұмыстары жүргізілді. Еңбекші ауданы бойынша кейінгі алты айда 84 жүргізуші масаң күйде ұсталып, жол апатынан 23 адам зардап шекен. Мұндай іс-шаралар жол қауіпсіздік ережесін ұстауға өз септігін тигізеді дейді мамандар.

–Іс-шараның басты мақсаты – көлік жүргізушілерін мас күйінде рөлге отырмауға, қорғаныс белдігін тағуға үндеу. Қарапайым ережелердің адам өмірін сақтауға кепіл екенін түсіндіру. Тек жүргізушілерге ғана емес, жаяу жүргіншілерге де арнайы белгіленген орындардан ғана өтудің маңыздылығын түсіндіріп жатырмыз,– деді Еңбекші ауданыны әкімінің орынбасары Ерлан Күзембаев.
Еңбекші ауданы бойынша кейінгі алты айда 84 жүргізуші масаң күйде ұсталып, жол апатынан 23 адам зардап шекен. Мұндай іс-шаралар жол қауіпсіздік ережесін ұстауға өз септігін тигізеді дейді мамандар.
–Жалпы Еңбекші ауданы бойынша былтыр 72 жол-көлік оқиғасы тіркеліп, құқықтық-әкімшілік жауапкершілікке тартылған болатын. Қазіргі таңда патрульдік полиция қызметкерлері және учаскелік полиция инспекторлары күнделікті анықталған құқық бұзушылықтары бойынша түсіндірме жұмыстарын жүргізеді. Былтырғы жылмен салыстырғанда көлік апаты төмендеді. Дегенмен мұндай іс-шараларды тоқтатпай тұрақты ұйымдастырамыз. Мұндай рейдтік шаралар қауіп-қатерді төмендетуге септігін тигізуде,– дейді Еңбекші ауданы полиция басқармасының жеркілікті полиция қызметінің бастығы подполковник Алмасбек Базарбекұлы.
Айта кетейік, алдағы уақытта аталмыш іс-шараны ай сайын өткізіп отыру жоспарлануда.