«ОҢТҮСТІК» ТҰРҒЫН АЛАБЫ САПАЛЫ ИНТЕРНЕТПЕН ҚАМТЫЛДЫ

84

Шымкент қаласында шалғай елдімекендерді сапалы интернетпен қамтамасыз ету жұмыстары жоспарға сай жүргізілуде. Қалалық цифрландыру басқармасының қолдауымен және жеке инвестор «Спец автоматика сервис» ЖШС тарапынан Еңбекші ауданындағы «Оңтүстік» тұрғын алабы талшықты-оптикалық интернет желісімен қамтылды. Елді мекенде 38 000-ға жуық тұрғын бар. Көпшілік талшықты-оптика желісінің сапасын байқап көрді. Сонымен қатар, биыл қалада мобильді байланысты жақсарту бағытында 29 тұрғын алап анықталып, тиісті жұмыстар атқарылуда. Базалық станция орнату үшін бос жер телімдері белгіленген.

Қалалық цифрландыру басқармасының басшысы Мұхит Кемелов, қалалық мәслихат депутаты Айжан Наимбекова, Еңбекші ауданы әкімінің орынбасары Досалы Амангелдиев тұрғындармен кездесіп, жоғары жылдамдықты интернеттің сапасын тексерді.

Биыл сәуір айында 4 инвестормен меморандум түзіліп, 2023 жылы 20 шағынауданды сапалы интернетпен қамтуға келісім жасалған.

– Заманауи талшықты-опитика желісінің басты ерекшелігі – интернеттің жылдамдығы. Былтыр 14 елді мекен қамтылса, биыл 20 елді мекенге аталған оппткалық желіні тарту бойынша жеке инвестолармен меморандумға қол қойылды. Келісімге сәйкес, 2023-2025 жыл аралықта тұрғын алаптар тізімі және олардың мерзімдері белгіленді. 2025 жылы қаланың шеткі аймақтарын толық оптикалық желімен қамту көзделіп отыр. Қазіргі таңда Қайнарбұлақ, Нұршуақ, Ынтымақ -1, Ынтымақ-2 тұрғын алабында жұмыс басталып кетті, – деді басқарма басшысы тұрғындармен кездесуде.

Іс-шара барысында көпшілік талшықты-оптика желісінің сапасын байқап көрді. Сонымен қатар, биыл қалада мобильді байланысты жақсарту бағытында 29 тұрғын алап анықталып, тиісті жұмыстар атқарылуда. Базалық станция орнату үшін бос жер телімдері белгіленген. Сәуір айында 4 инвестормен меморандум түзіліп, 2023 жылы 20 шағынауданды сапалы интернетпен қамтуға келісім жасалған.