ТҮРКІСТАНДЫҚ ПОЛИЦЕЙЛЕР БЕЛБЕУ КҮРЕСІНЕН ӨТКЕН ӘЛЕМ ЧЕМПИОНАТЫНАН ЖҮЛДЕЛІ ОРАЛДЫ
Соңғы үш күн қатарынан Астана қаласында ересектер арасында спорттың белбеу күресінен Әлем чемпионаты өтті. Сайысқа 30 мемлекеттен 350-ден астам спортшы қатысып, бақ сынады.Әлемдік додаға Қазақстанның намысын қорғап, түркістандық полицейлер де қатысты. Нәтижесінде тәртіп сақшылары қарсыластарын жеңіп, үздіктер қатарынан көрінді.
Атап атсақ, Түркістан облысы ПД Жылдам қимылдайтын арнайы жасақ саптық бөлінісінің инспекторы полиция аға лейтенанты Молдаш Төребек 75 келі салмақ дәрежесінде ІІ-орынды иеленді. Ал қыздар арасынан түркістандық тәртіп сақшысы, полиция аға лейтенанты Перизат Жақыпбекова 76 келі салмақ дәрежесінде ІІІ-орынды қанжығалады.
Осы ретте қиын да қауіпті қызметтерімен қатар, әлемдік дәрежедегі спорттық сайыстарда топ жарып жүрген әріптестерімізге сәттілік тілейміз! Әрқашан көк туымызды көкте желбірете беріңдер!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
