ӨЗІНІҢ НЕСИЕСІН ЖАБУ ҮШІН ТАНЫСЫНЫҢ ТЕЛЕФОНЫН ЗАҢСЫЗ ЛОМБАРДҚА ӨТКІЗГЕН
Кентау қалалық полиция бөліміне жергілікті тұрғын алаяқтың құрбаны болғаны жөнінде шағым түсірді. Ер адамның айтуынша, танысы «Iphone-11 Pro» маркалы ұялы телефонын шұғыл біреуге қоңырау соғамын деп алып, телефонын қайтармастан оқиға орнынан ізін суытқан. Жәбірленушіге 500.000 теңге шығын келген.
Полицейлер аталған фактіні ҚР ҚК-нің 190-бабы 1-бөлігі «Алаяқтық» бойынша тіркеуге алды.
Ақпарат алысымен тәжірибелі полиция қызметкерлерінен құрылған жедел-тергеу тобы күдіктіні ұстауға жұмылдырылды. Тыңғылықты ізденістің нәтижесінде бір тәулік ішінде күдіктінің жеке басы анықталып, жеткізілді.
Белгілі болғандай, күдікті танысының ұялы телефонын алған бойда ломбардқа өткізіп, несиесін жапқан.
Тәртіп сақшылары қолды болған ұялы телефонды тәркілеп алып, заңды иесіне қайтарды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
