ТҮРКІСТАН: МАҚТААРАЛ АУДАНЫНДА 5 МЫҢНАН АСА КӨШЕТ ОТЫРҒЫЗЫЛДЫ
Мемлекет басшысының Қазақстан халқына Жолдауындағы елдімекендер аумағында 5 жыл ішінде 15 миллион ағаш отырғызу тапсырмасына сәйкес, облыс әкімдігімен бекітілген «Түркістан облысының елдімекендерін көгалдандырудың 2022-2025 жылдарға арналған іс-шара жоспарын» іске асыру мақсатында облыстық басқармаға аудан әкімдіктеріне қарасты елдімекендерді көгалдандыруға қажетті көшеттермен қамтамасыз ету мәселесі жүктелген болатын.
Осы ретте аудан әкімі Бақыт Асановтың бастамасымен барлық мемлекеттік қызметшілер мен бюджеттік қызметкерлер сенбілікке шығып, үлкен жолдардың бойы мен елдімекендердің аумағында 5400 дана көшет отырғызды.
Жалпы 500-ге жуық адам қатысқан сенбілікте негізінен көшеттің қара ағаш түрі А-15, КХ-100 тас жолы мен К-18 каналының бойына отырғызылды.
Айта кетейік, аудан басшысы тиісті мекеме басшыларына тапсырма беріп, егілген көшеттердің жайқалып өсуі үшін қолайлы жағдай жасау керектігін ескертті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
