«ҚЫС-2023» ОҚУ-ЖАТТЫҒУ ШАРАСЫ ӨТКІЗІЛДІ
Сауран аудандық төтенше жағдайлар бөлімінің ұйымдастыруымен қысқа дайындық жұмыстары пысықталды. Аудан аумағында төтенше жағдайлар мен олардың салдарының алдын алу мақсатында «Қыс-2023» оқу-жаттығу шарасы өткізілді.
Шараға аудандық төтенше жағдайлар бөлімі бастығының міндетін атқарушы Нұртас Қасым қатысып, азаматтық қорғау мемлекеттік жүйесін ұйымдастыруды жетілдіру, басқару органдарының күштері мен құралдары және техникаларының даярлығы пысықталды.
Жиынға қатысқан тиісті сала мамандары аудандық азаматтық қорғаныс және төтенше жағдайлар бойынша штаб құрамының қысқы маусымға даярлықтарын тексеріп, оқу-жаттығу шарасына оң бағасын берді. Жалпы, оқу-жаттығу шарасына 30 адам мен 12 техника жұмылдырылды.
«Сауран-ақпарат».
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
