ТҰРҒЫН ҮЙДЕГІ АҚАУЛАР ҚАЛПЫНА КЕЛТІРІЛЕДІ
Бүгін қала әкімі Ғабит Сыздықбеков елдімекендерді аралау барысында тұрғындардың шағымы бойынша Астана көшесіндегі №93 көпқабатты тұрғын үйде болып, жөндеу жұмыстарына қатысты өзекті мәселелердің шешімін қарастырды.
Қалалық тұрғын үй басқармасының теңгеріміндегі көпқабатты үйге былтырғы жылы ағымдағы жөндеу жұмыстары жүргізілген болатын. Алайда, құрылыс кезінде кеткен ақаулардың салдарынан шатырдан су кетіп, жергілікті тұрғындарды алаңдатты.
Қала басшысы жауаптыларға орын алған кемшіліктерді мердігер мекеме тарапынан тез арада қалпына келтіруді тапсырды. Пәтерлердегі жылу мәселесін де назарға алған қала басшысы тұрғындарды үздіксіз, сапалы жылумен қамтуда нақты тапсырмалар берді. Қазір жертөледегі автоматтандырылған торапқа дейін 65 градус жылу берілуде.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
