«КИЕЛІ МЕКЕН»: САЙРАМДА ТАРИХИ ОРЫНДАР МЕН ЕСКЕРТКІШТЕР АЙМАҒЫНДА ТАЗАЛЫҚ ЖҰМЫСТАРЫ ЖҮРІП ЖАТЫР
![](https://ara24.kz/wp-content/uploads/2024/04/36c5ad72-1654-47c4-a7b2-f56b519e7323-1-720x613.jpg)
Сайрам ауданында «Киелі мекен» апталығы аясында аудандағы барлық тарихи-мәдени ескерткіштерді абаттандыру және күл-қоқыстардан тазарту жұмыстары жүргізілуде. Сонымен қатар, сырлау және ретке келтіру жұмыстары да қолға алынған. Сенбіліктерге ауылдық округтер мен аудан аумағындағы барлық мекеме қызметкерлері және тұрғындар қатысып жатыр.
Апталықта өңірдегі тарихи-мәдени ескерткіштерді абаттандыру жұмыстары бойынша Ақсукент ауылындағы «Мәртөбе» алаңы мен Абылай хан ескерткішінің аумағында көріктендіру, қоқыстарды тазалау, шөп ору жұмыстары жүргізілді. Сондай-ақ, Манкент ауылы аумағындағы Ұлы Отан соғысы батырларына арналған ескерткіш төңірегінде гүл көшеттері отырғызылып, тазалау жұмыстары жүргізілді.
Түркістан облысының Өңірлік коммуникациялар қызметі
![](https://ara24.kz/wp-content/uploads/2024/04/36c5ad72-1654-47c4-a7b2-f56b519e7323-1.jpg)