ТАБИҒАТ ЖАНАШЫРЛАРЫ «ТАЗА ҚАЗАҚСТАН» АКЦИЯСЫНА ҮЛЕС ҚОСТЫ
Түркістан облысында «Таза Қазақстан» акциясының аясында «Таза өлке» апталығы өтті. Мемлекет басшысының бастамасымен қолға алынған республикалық шараға табиғат жанашырлары да атсалысты.
Олбыс көлемінде қарқынды атқарылып жатқан тазалық шарасына облыстық табиғи ресурстар және табиғат пайдалануды реттеу басқармасына қарасты 7 орман шаруашылығы мекемесінің қызметкерлері қатысып, аудан, қаладағы орман алқаптары мен табиғи саябақтардың аумақтарын тазалады.
Экоакция аясындағы сенбілікке 400-ден аса адам белсенділік танытып, 400 түп ағаш көшеті отырғызылды. Сондай-ақ, 1500 метр арық-атыздар тазаланды. Тазалық жұмыстары барысында 10 тонна қоқыс шығарылды. Бұдан бөлек 700 түп ағаш түптері әктелді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
