“Армандар орындалады” акциясы өз жалғасын тапты
Түркістан облысындағы қоғам белсендісі Әсел Бимырзаеваның ұйымдастыруымен «Армандар орындалады» кезекті акциясы ұйымдастырылды. Балалар әрдайым үлкендердің қамқорлығы мен қолдауын сезінулері керек. Мүмкіндігі шектеулі балалардың қоғаммен етене араласып, өзіндік орындары бар екендіктерін жете түсінулеріне жағдай жасау назардан тыс қалмау қажет.
Балалардың барлық жағдайлары барынша ескере отырып, (денсаулық, әлеуметтік, отбасылық жағдайлары, жас ерекшеліктері) қоғаммен бірге жайлы өмір сүруге талпындыру, қамқорлықты сезіндіре отырып, балауса жүректеріне мейірім дәнін себу акцияның басты міндеті болды.
Акция үйден оқытылатын мүмкіндігі шектеулі балалардың қоғамнан тысқары, елеусіз қалмайтындарын ұғындыру, өмірлеріне өзгеріс енуі үшін қарапайым армандарын орындау арқылы қызығушылықтарын арттыру және үнемі жақсы дүниеге ұмтылуы үшін көмекке келетін жақсы адамдардың бар екендерін сезіндіру мақсатында ұйымдастырылған.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
