АЭС САЛУДЫҢ АРТЫҚШЫЛЫҚТАРЫ

Қазақстанда АЭС салу мәселесі энергетика саласындағы негізгі тақырыптардың бірі ретінде талқылануда. Атом энергетикасын дамытудың бірнеше артықшылығы бар:
1. Энергетикалық тәуелсіздік: АЭС біздің елге өз қажеттіліктерімізді қанағаттандыратын сенімді энергия көзін беріп, сыртқы көздерге тәуелділікті азайтады.
2. Экологиялық тиімділік: АЭС көмір, мұнай сияқты дәстүрлі энергия көздеріне қарағанда парниктік газдарды аз мөлшерде шығарады, бұл климаттық өзгерістерге қарсы күресте маңызды рөл атқарады.
3. Экономикалық тиімділік: АЭС ұзақ мерзімде экономикалық жағынан тиімді, себебі ол көміртегі салығынан аулақ болуға және экологиялық стандарттарға сай болуға мүмкіндік береді.
4. Саяси және халықаралық қысым: Әлемнің дамыған елдері көмірді пайдаланудан бас тартып, экологиялық таза энергия көздерін дамытуға бет алған. Бұл Қазақстанның да осы үрдіске бейімделуін қажет етеді.
5. Бұдан шығатын қорытынды – Қазақстанда АЭС салу елдің энергетикалық, экологиялық және экономикалық болашағына оң әсер етуі мүмкін деп ойлаймын.
Бүгінде Қазақстанда атом энергиясын бейбіт мақсатта пайдалану бойынша 17,9 мыңға жуық адам жұмыс істейді. Оның ішінде уәкілетті мемлекеттік органда 36, ғылыми-техникалық ұйымдарда 2,9, «Қазатомөнеркәсіп» ҰАК» АҚ 15 мыңға жуық маман қамтылған. Атом өнеркәсібіндегі студенттердің саны 9 000 адамды құрайды. Бұл – алдағы уақытта жас мамандар саны артатынының көрінісі.
Үрзия Жұмабай,
Шәуілдір ауылының тұрғыны.