ШЫМКЕНТТЕ ӘЙЕЛДЕР ІСТЕРІ ЖӘНЕ ОТБАСЫЛЫҚ САЯСАТТЫ ДАМЫТУ МӘСЕЛЕЛЕРІ ТАЛҚЫЛАНДЫ
Шымкент қаласында Әйелдер істері және отбасылық-демографиялық саясат жөніндегі комиссияның кезекті отырысы өтті. Жиынға комиссия мүшелері мен салалық басқарма өкілдері қатысып, отбасы институтын нығайту, гендерлік саясатты дамыту және осы бағытта атқарылып жатқан жұмыстардың барысын талқылады.
Күн тәртібінде отбасы мен некенің оң бейнесін қалыптастыру, отбасылық-демографиялық және гендерлік саясатты іске асыру мәселелері қаралды. Сондай-ақ, ҚР 2030 жылға дейінгі отбасылық және гендерлік саясат тұжырымдамасының орындалу барысы туралы баяндамалар тыңдалды.
Комиссия мүшелері 2025 жылға арналған жұмыс жоспарын бекітіп, алдағы кезеңде жүзеге асырылатын шараларға басымдық берді.
Жиын соңында, 2024 жылдың қорытындысы бойынша, Әйелдер істері және отбасылық-демографиялық саясат жөніндегі Ұлттық комиссияның алғыс хатымен қалалық комиссияның белсенді мүшелері марапатталды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
