ТЕМІРЛАНДА ЖАСӨСПІРІМДЕР АРАСЫНДА ШАХМАТТАН БІРІНШІЛІК ӨТТІ
Темірлан ауылының орталығындағы Аудандық мәдениет үйінде «Ауған жерінен Кеңес әскерлерінің шығарылуына 36 жыл» толуына орай және «Ордабасы Ұлттық құндылықпен – бірліктің Ордасы» атты тақырыбында шахматтан аудандық біріншілігі өтті. Сайысқа 6-9, 10-12, 13-16 жас аралығындағы жасөспірім ұлдар мен қыздар қатысты.
Ақыл-ой мен жүйріктік сайысқа түсетін додаға аудан әкімінің орынбасары Мейрамбек Ақмұратов қатысып, қатысушыларға сәттілік тіледі.
Жалпы интелектуалды ойынға 100-ге жуық жасөспірімдер бақ сынасты. Жас шахматшыларды төрешілер алқасы қадағалады. Айта кетейік, атаулы шахмат сайысын «Темірлан спорт клубы» КММ-нің шахмат бөлімінің жаттықтырушылары ұйымдастырған.
Жарыс қорытындысы бойынша жеңімпаз және жүлдегер атанған қатысушылар анықталып, арнайы марапатталды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
