АЛҒЫС АЙТУ КҮНІ ҚҰТТЫ БОЛСЫН!
Алғыс айту күні – мейірімділік пен ризашылықтың мерекесі. Осы айтулы күнге орай Аудандық білім беру бөлімінің ұйымдастыруымен Амангелді Иманов атындағы жалпы білім беретін мектептің оқушылары Ордабасы ауданы әкімдігінің қызметкерлеріне құрмет көрсетіп, мерекелік құттықтауларын жеткізді.
Жас өрендер ел басқару ісінде аянбай еңбек етіп жүрген басшылық азаматтарына алғыс айтып, жүрекжарды тілектерін білдірді.
Айтулы күн жақсылықты бағалай білуге, әр іске жақсылықпен жауап қайтаруға, өзара сыйластық пен құрметке бастайды. Кең пейілді қазақ халқы қашанда әрбір игі іске ризашылығын білдіріп, алғыс айтып отырған.
Осындай құндылықтардың қадіріне жете білген елдің қашанда келешегі кемел болары анық.
Ендеше, көңілді жадырататын жақсылық істеріміз бен айтар алғысымыз көп болсын.
Ордабасы ауданы әкімдігінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
