Аудан аумағында ауқымды сенбілік ұйымдастырылды
Сауран ауданы көктемгі тазалық жұмыстарын жоғары деңгейде ұйымдастырып, ауқымды сенбілік өткізді. Шара Түркістан-Кентау автомобиль бағытында кең көлемде жүргізілді. Сенбілікке аудан тұрғындары, мемлекеттік мекемелердің қызметкерлері, білім беру және мәдениет саласының өкілдері, кәсіпкерлер мен белсенді жастар — жалпы саны 350-ге жуық адам қатысты.Тазалық жұмыстарына арнайы техника да тартылып, 16 ауыр жүк көлігі қоқыс жинау және шығару жұмыстарына белсенді атсалысты. Сенбілік барысында жол бойындағы қоқыстар тазартылып, ағаш бұталары қырқылды, жасыл желекке күтім жасалып, аумақ ретке келтірілді. Сонымен қатар, жаяу жүргінші жолдары мен аялдамалар маңындағы қоқыстар жиналып, көше бойындағы шаң мен жапырақтар тазартылды.Нәтижесінде жиналған қоқыс арнайы полигондарға шығарылып, аудан аумағының тазалығы жақсарды. Мұндай сенбіліктер өңірдің экологиялық жағдайын жақсартуға ғана емес, қоғамның қоршаған ортаға деген жауапкершілігін арттыруға да ықпал етеді. Ұйымдастырушылар бұл игі шараның алдағы уақытта да жалғасатынын атап өтті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
