Жастар – бірлік пен тұрақтылықтың басты тірегі: Түркістандағы игі бастамалар

Қазақстанда жүргізіліп жатқан бейбітшілік пен тұрақтылық саясаты ел болашағы – жастардың өмірлік ұстанымына тікелей әсер етуде. Бұл үрдіс Түркістан қаласында айқын көрініс тапқан. Рухани әрі мәдени орталық ретінде танылған Түркістанда жастарды бірлікке, келісімге және жауапкершілікке баулуға бағытталған бірқатар бастамалар жүзеге асырылуда. Осы ретте, Түркістан қаласында Жастар ресурстық орталықтары мен колледждерде “Бірлік – ел болашағы” атты пікірталастар, “Бейбітшілік ел жастарының таңдауы” атты форумдар мен кездесулер,

әлеуметтік желілерде еріктілердің бейбітшілікке шақыратын челлендждері мен видеожобалары ұйымдастырылуда. Сондай-ақ, Түркістан жастары қоғамдық келісім мен татулықты насихаттайтын мәдени флешмобтарға, патриоттық шерулерге қатысып келеді. Одан бөлек, әртүрлі этностар арасындағы мәдени көпірлер рөлін атқарып, достықты нығайтуға атсалысуда. Сонымен қатар, ерікті түрде мұқтаж жандарға көмек көрсету, қоршаған ортаны қорғау, тарихи мұраны дәріптеу бағыттарында белсенділік танытуда. Жастар арасында тұрақтылық пен татулықты дәріптеу – елдік сана мен патриоттық сезімді қалыптастырудың негізгі жолы. Түркістанда бұл үдеріс білім беру, мәдени іс-шаралар мен ақпараттық саясат арқылы жүйелі түрде жүргізіліп жатыр.

Мемлекет басшысы айтқандай: «Жастар – жаңа Қазақстанның іргесін қалайтын негізгі күш». Ал бұл күштің ішкі бірлігі мен рухани тұтастығы – ел тұрақтылығының кепілі. Түркістан жастарының бастамалары – болашаққа сеніммен қараудың үлгісі. Бұл қалада бүгін қалыптасып жатқан азаматтық жауапкершілік пен достық рухы – ертеңгі бейбіт өмірдің мызғымас іргетасы.Бүгінде Ассамблеяның инсти­туционалдық әлеуеті нығайып, ұйым жетекшілері мемлекеттік шешім қабылдау үдерісіне және реформаларды ілгерілетуге белсене араласа бастады. Бұл бір жағынан ҚХА-ның 30 жылда өткен трансформациясының бас­ты жетістігі деуге болады. Мұны негізге алған Мемлекет басшысы Ассамблея қызметін халыққа түсіндіріп, одан әрі насихаттауға және азаматтарды ел бірлігін нығайту жолындағы ауқымды жұмысқа жұмылдыруға ұтымды пайдаланамыз деген еді. Сондай-ақ ол былтырғы 33 сессияда Үкімет­ке мерейлі белесті атап өтуге арналған іс-шаралар жоспарын әзірлеуді тапсырды.

Осылайша Үкіметтің 2024 жылғы 24 қазандағы қаулысымен «Бірлік пен келісімнің 30 жылы» Қазақстан халқы Ассамблеясы­ның 30 жылдығын ұйымдастыру және өткізу жөніндегі іс-шаралар жос­пары бекітілді. Мерекелеу сарыны көбіне ресми формат­­та ұйымдастырылып, елдегі эт­но­с­­аралық ынтымақ пен ауыз­біршілікті ұйыстыруға бағыт­талды.

Атап айтқанда, ҚХА-ның ХХХІV мерекелік сессиясын, Мемлекеттік және қоғамдық наградаларды, «Мәдениетара­лық және этносаралық бірлікті нығайту аясындағы мәдениет және өнер саласындағы үздік жұ­мыстары үшін» және «Мәде­ниет­аралық және этносаралық бірлікті нығайту бойынша әде­биет және журналистика са­ласын­дағы үздік жұмыстары үшін» сый­лықтарын табыстау, ҚХА Кеңе­сінің кеңейтілген отырысын өткізу, өңірлік жоспарларды әзірлеу және іске асыру, «Ассамблея жастары» РҚБ-ның «Бірлік пен ынтымақтастыққа 30 жыл» қайырымдылық акциясы, «Жастар-Life» және «Елім менің» жобалары, «Сыр елі – достық мекені», «Бірлік-Единство.kz» республикалық жастар форумы, «Рақмет, Жер ана!» экологиялық акциясы, Францияның Париж қаласындағы ЮНЕСКО штаб-пәтерінде ҚХА қызметінің таныс­тырылымын ұйымдастыру сынды іс-шараларды өткізу көзделген. Ел бірлігін еселеп, ұйым беделін арттыра түсетін бұл бастамалар кемінде 1,5 млн адамды қамтиды деп жоспарланып отыр.