Ордабасыда жұмысшы мамандықтарға құрмет көрсетілді
2025 жыл – Жұмысшы мамандықтар жылы аясында Ордабасы ауданында бірқатар маңызды кездесулер мен іс-шаралар ұйымдастырылды. Атап айтқанда, Ордабасы аудандық білім және ғылым қызметкерлерінің кәсіподақ комитетінің төрағасы Қайрат Төлебаев ауданға қарасты 10 ауылдық округте «Еңбек адамына құрмет» атты тақырыпта кездесулер өткізді.
Іс-шараларға аудандық ішкі саясат бөлімі ұйытқы болды. Кездесулер барысында жергілікті еңбек ардагерлері, жұмысшы мамандық иелері сөз сөйлеп, өз тәжірибелерімен бөлісті. Олар жас ұрпаққа адал еңбек пен кәсіптік білімнің маңызын жеткізді.
Кездесу соңында еңбек озаттары мен ардагерлерге құрмет көрсетіліп, арнайы марапаттар табысталды. Сонымен қатар, оқушыларға техникалық және жұмысшы мамандықтарды таңдаудың маңыздылығы түсіндіріліп, бағыт-бағдар берілді.
Аталған шаралар жастардың еңбекке деген көзқарасын қалыптастырып, қоғамда жұмысшы мамандықтарының беделін арттыруға бағытталған нақты қадам болды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
