«БАҚЫТТЫ ОТБАСЫ – БАҚЫТТЫ ЕЛ» АТТЫ АКЦИЯСЫ КЕНТАУ ҚАЛАСЫНДА ЖАЛҒАСЫН ТАПТЫ

Бұл шараның атауының өзі терең мәнге ие. Себебі отбасы – қоғамның ең кішкентай бөлшегі болғанымен, оның тыныштығы мен татулығы тұтас мемлекеттің дамуына ықпал етеді. Ұлттың болашағы саналатын балалардың бойындағы мейірім, адамгершілік, жауапкершілік секілді қасиеттер ең алдымен отбасында қалыптасады.

Бұл – қоғамды алаңдататын, күн тәртібінен түспейтін маңызды мәселе. Осыған байланысты акция аясында түсіндіру жұмыстары жүргізіліп, мамандар тарапынан кеңестер берілуде.

Акция барысында тек әйелдер мен балаларды қорғау ғана емес, жалпы отбасылық құндылықтарды дәріптеу, татулық пен сыйластықты насихаттау басты назарға алынған. Өйткені шаңырақтағы ынтымақ – елдің бірлігі мен берекесінің кепілі. Әке мен ананың өзара сыйластығы мен сүйіспеншілігі – баланың болашаққа сеніммен қарауына жол ашады.

«Бақытты отбасы – бақытты ел» акциясы қоғамның ең өзекті мәселелерін көтере отырып, әрбір жанұяға ой салуды мақсат етеді. Бала тәрбиесінің бастауы – берекелі отбасы, ал берекелі отбасының бастауы – махаббат пен сыйластық екенін еске салады.