ШЫМКЕНТТЕ ПОЛИЦЕЙЛЕР ЖАС САҚШЫЛАРҒА ЭКСКУРСИЯ ҰЙЫМДАСТЫРДЫ

“Заң мен тәртіп” қағидаты бойынша Шымкент қаласы Полиция департаментінде «Жас сақшы» сыныптарының оқушыларына арналған экскурсия өтті.

Болашақ тәртіп сақшылары полиция мұражайына барып, ішкі істер органдарының құрылу және даму тарихымен танысты. Полицейлер қызметтік борышын атқару кезінде ерлікпен қаза тапқан әріптестері туралы айтып, полиция тарихына байланысты түрлі кезеңдердегі құнды экспонаттарды көрсетті.

Экскурсия барысында оқушылар департаменттің Жедел басқару орталығында да болды. Онда балаларға бейнебақылау жүйесі арқылы қоғамдық қауіпсіздікті тәулік бойы бақылау қалай жүзеге асырылатыны көрсетілді. Сондай-ақ, полицейлердің қала көшелеріндегі жағдайды бақылап, камералар арқылы құқық бұзушылықтарға жедел әрекет ететіні түсіндірілді.

Ұйымдастырушыларының айтуынша, мұндай іс-шаралар өскелең ұрпақтың бойында азаматтық жауапкершілік пен отансүйгіштік сезімін қалыптастыруға ықпал етеді.

Заң мен тәртіп – қоғамның тұрақтылығы мен қауіпсіздігін қамтамасыз ететін негізгі ұғымдар. Заң – мемлекет бекіткен міндетті ережелер жиынтығы болса, тәртіп – сол ережелерді орындау деңгейі. Қоғамның дамуы, тұрғындардың тыныштығы, мемлекеттегі тұрақтылық осы екі түсініктің дұрыс сақталуына байланысты.

— Қоғамда бірізділікті орнатады.

— Әр адамның құқығын қорғайды.

— Қылмыстың алдын алады.

— Мемлекет пен азамат арасындағы қатынасты реттейді.

— Қоғамда қауіпсіздік пен тыныштық орнатады.

— Құқықбұзушылықтың төмендеуіне ықпал етеді.

— Адамның жауапкершілігін арттырады.

— Қоғамдағы мәдениетті мінез-құлық қалыптастырады.

Заң бар жерде тәртіп орнайды, ал тәртіп сақталмаған жерде заңның күші әлсірейді. Сондықтан әрбір азамат заң талаптарын орындап, өз міндеттерін адал атқаруы қажет. Бұл – қоғамның тұрақты дамуының кепілі.

Заң мен тәртіп – дамыған, қауіпсіз, әділ қоғамның негізі. Әр адамның заңға бағынуы және қоғамдық тәртіпті сақтау – ортақ жауапкершілік.