ЗАҢ ТАЛАПТАРЫН БҰЗҒАН САЛТАНАТ САРАЙЫНЫҢ ҚЫЗМЕТІНЕ ТЫЙЫМ САЛЫНДЫ
Шымкент қалалық орта сапасы және бақылау басқармасының мамандары Сайрам тұрғын алабындағы М.Жалил көшесінде орналасқан «Shinar» салтанат сарайына жүргізген тексеру барысында бірқатар заңбұзушылықтарды анықтады. Бастапқыда нысан 1 қабатты шайхана ретінде пайдалануға қабылданғанымен, меншік иесі оны рұқсатсыз қайта құрылыс жасап, 2 қабатты салтанат сарайына айналдырып келген.
Тексеру нәтижесі бойынша нысанның ҚР «Сәулет, қала құрылысы және құрылыс қызметі туралы» Заң талаптарын сақтамай реконструкцияланғаны белгілі болды. Осыған байланысты «Shinar» тойханасының қызметі тоқтатылды.
Құрметті қала тұрғындары!
Қала мәдениеті мен қауіпсіздігін сақтау – ортақ жауапкершілік. Кез келген құрылыс немесе қайта жаңғырту жұмыстары тек заң аясында жүзеге асырылуы тиіс. Рұқсатсыз салынған нысан қомақты айыппұл салуға ғана емес, тіпті мәжбүрлі түрде бұзуға да әкелуі мүмкін екенін ескертеміз.
Бұл туралы бүгін, Шымкент қаласы әкімдігінің ресми өкілі, қала әкімінің орынбасары – Сәрсен Абайұлы Құранбек мәлімдеді.
Қоғамның тұрақтылығы мен дамуы заңдардың орындалуына және тәртіптің сақталуына тікелей байланысты. Заң – мемлекет бекіткен ережелер жиынтығы, ал тәртіп – сол заңдарды орындаудағы азаматтардың мінез-құлқының көрінісі.
- Заңның қоғамдағы рөлі
Заң қоғамдық қатынастарды реттейді, азаматтардың құқықтары мен бостандықтарын қорғайды және әділдікті қамтамасыз етеді.
- Тәртіптің мәні және оның маңызы
Тәртіп – қауіпсіздіктің, мәдениеттіліктің және қоғамдағы тұрақтылықтың негізі. Тәртіп сақталғанда қылмыс азаяды, адамдар арасында сенім артады.
- Заң мен тәртіптің өзара байланысы
Заң – тәртіптің құқықтық негізі, ал тәртіп – заңның іс жүзінде орындалуы. Екі ұғым бір-бірін толықтырады.
- Қазақстандағы заң және тәртіп мәселелері
Елімізде құқықтық мәдениетті арттыру, қылмыстың алдын алу, полиция қызметін жетілдіру бағытында көптеген шаралар жүзеге асырылуда.
- Құқықтық мәдениет және оның қоғамға әсері
Құқықтық мәдениеті жоғары азамат заңды сақтайды, өз және өзгенің құқығын құрметтейді, қоғамда тұрақтылық орнатуға үлес қосады.
Заң және тәртіп – қоғам дамуының негізгі тірегі. Әр азамат заңды орындап, тәртіп сақтағанда ғана мемлекетте тыныштық пен әділдік орнайды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
