ӘРБІР АРЫЗ-ШАҒЫМ ЗАҢ АЯСЫНДА ШЕШІЛЕДІ
Бүгін Сайрам ауданының әкімі М.Мұхтарұлы аудандық «AMANAT» партиясының ғимаратында тұрғындарды жеке мәселелері бойынша қабылдады.
Қабылдауға келген 20-ға жуық тұрғынның басым бөлігі жер мәселесіне қатысты арыз-шағымдарын жеткізді. Сонымен қатар, ауылдық округтердегі инфрақұрылым мәселелері де көтерілді. Ал, қаржылық алаяқтыққа алданған тұрғындарға арыз жазу тәртібі мен оның заңдылығы түсіндірілді.
Қабылдауда айтылған әрбір тұрғынның мәселесі хаттамалық тапсырмаға енгізілді.
Аудан әкімі бөлім басшылары мен ауыл әкімдеріне тұрғындардың өтініштері бойынша жедел әрі сапалы жұмыс жүргізуді тапсырды. Сондай-ақ, барлық мәселе заң аясында кезең-кезеңімен шешілетінін жеткізді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
