Санитарлық тазалық жұмыстары кестеге сәйкес атқарылуда
Шымкент қаласының Еңбекші ауданы аумағындағы көпқабатты тұрғын үй аулаларында және көше бойындағы ағаш бұтақтарына санитарлық кесу, тазалау, суғару және көгалдандыру жұмыстары жүргізілуде. Аталған жұмыстарды мердігер “Build Stroi” ЖШС-і тұрғындардың өтінімі және кестеге сәйкес атқаруда.
Сонымен қатар, аудан аумағында жол қозғалысы қауіпсіздігін қамтамасыз ету мақсатында көшелер мен көше қиылыстарындағы жол белгілерінің көріну аумағының жасыл желектерін қырқу жұмыстары кестеге сәйкес орындалды.
Аудан тұрғындары жұмысшылардың еңбегін әрқашан бағалап, алғыс және ризашылық көңілдерін білдіруде.
Бұл бағыттағы жұмыстар аудан әкімі аппаратының бақылауында және тұрақты түрде жүргізілетін болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
