ШЫМКЕНТТІК КӘСІПКЕР ТҰТЫНУШЫЛАРҒА ӨНІМДІ ДЕЛДАЛСЫЗ САТУҒА КӨШТІ
Президентіміздің «Егіс даласынан дүкен сөресіне дейін» жобасын жүзеге асырып отырған кәсіпкердің бірі — «Қасқасу С» шаруа қожалығы. Қала халқын сапалы мал шаруашылығы өнімдерімен қамтамасыз етіп отырған шаруашылық Қаратау ауданы, Мәртөбе тұрғын алабында орналасқан.
Кәсіпкер тұрғындарды ауыл шаруашылығы өнімдерімен қамтамасыз ету мақсатында мемлекеттік қолдауларды пайдалана отырып 2 әлеуметтік дүкен ашты. Осылайша шаруашылықта өндірілген өнімдер делдалсыз тұтынушыға тікелей жеткізілуде.
Бүгінде шаруақожалықта 1200 бас бұқашық бордақылануда. Өткен жылы 330 тоннаға жуық ет өндірілген.
Елбасымыз «Ақылды технологиялар» – агроөнеркәсіп кешенін қарқынды дамыту мүмкіндігі екенін айтқан болатын. Қазіргі таңда шаруашылық бордақылаумен қоса 600 басқа арналған асыл тұқымды сүтті бағыттағы тауарлы сүт фермасын құруды жоспарлауда. Құрылыс нысаны ағымдағы жылы басталып 2022 жылдың 3 тоқсанында іске қосылмақ. Бұған жұмсалатын инвестициялық салым 2,3 млрд. теңгені құрамақ.
Кәсіпкер асыл тұқымды ірі қара малдың аналық басты Еурапа елдерінен сатып алады. Ал, сүтті тауарлы ферманы толығымен шет елдік «ДеЛаваль» компаниясының технологиясымен құруды жоспарлауда. Себебі, сүт өндірісінің көлемін арттырып сапалы өнім алудағы заманауй озық технология мен құрал жабдықтар қолданылады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
