ОРДАБАСЫЛЫҚ АНАЛАР ТҮРКІСТАНҒА КЕЛДІ
Ордабасы ауданының ауыл округі әйелдер және әжелер кеңестерінің төрайымдары, қоғамдық ұйым жетекшілері, көп балалы аналары күн санап ғарыштап дамып, түрленіп келе жатқан Түркістан қаласына келді. Ордабасы аудан әкімінің тапсырмасына сәйкес арнайы ұйымдастырылған сапарға 50-ден астам ана шыққан.
Олар ең алдымен күллі түркі жұртына танымал тұлға, Қожа Ахмет Яссауидің ұстазы әрі жүгінетін пірі болған Арыстанбаб кесенесіне зиярат жасады.Одан соң сапарларын Гауһар ананың, жаңарған Түркістан шаһарында жалғастырып, Ясауи кесенесіне зиярат жасады.Түркістанның жаңарған келбетін алғаш рет көрген олар аз уақыт ішінде қаланың жаңа кейіпке еніп, адам танымастай өзгеріп кеткендігіне өздерінің таңданыстарын жасыра алмады.Сапарда карантин талаптарын қатаң сақталды. Аналармен бірге арнайы медицина қызметкерлері бірге жүрді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
