ОТАН ОТБАСЫДАН БАСТАЛАДЫ
Отбасы құндылығын, сонымен қатар отбасындағы ынтымақ пен өзара сыйластықтың өнегелі ұрпақ тәрбиелеудегі маңызын насихаттау мақсатында Ордабасы ауданында тағылымды шара өтті.
Жеңіс ауыл округінде елге үлгілі, өнегелі отбасылар: зайыбы Нұртайқызы Қалданмен 52 жыл отандасып, 30 немере, 15 шөбере сүйген Қалдыбекұлы Жақсылықтың отбасы;
Дауылбаева Гүлжамалмен 39 жыл отандасқан Нұрмағамбет Бауыржанның отбасы;
Құрманбаева Розамен 30 жыл отандасып, 8 ұл-қыз тәрбиелеп отырған Сихенбаев Меңлібайдың отбасы жастармен кездесіп, шаңырақ жарасымын сақтау сырларымен бөлісті.
Сондай-ақ, шара барысында отбасындағы өзара сыйластық пен келісім, сабырлылық, ынтымақтастық орнағанда ғана бақыттың баянды болатыны айтылды.
Мәні терең басқосуға ауыл округінің әкімі Төреев Марат, аудандық әйелдер кеңесінің төрайымы Тайтелиева Гулия, ауыл округі әйелдер кеңесінің төрайымы Батырбекова Жақсыкүл қатысып, әулетіне ұйытқы бола білген азаматтарға ризашылықтарын жеткізді. Отбасылардың немерелері ата-әжелеріне арнауларын жолдады. Жас отбасылар кездесуден алған әсері туралы толғанып, ұйымдастырушыларға алғыс айтты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
