ШЕЖІРЕ

80

Қажымұқанның тегі  — орта жүз, қыпшақ руынан шыққан.  Қазақ эпосындағы қара қыпшақ Қобыланды батырдың он бірінші ұрпағы. Қажымұқан палуан мен Қобыланды батырдың арасында он ата бар. Анасы Қабира  ерте қайтыс болып, бала Мұқан әкесі Мұңайтпас пен әжесі Айсарының тәрбиесінде өседі. Қажымұқанның атасы Ернақ батыр да Абылайханның тұсындағы үзеңгілес батыры, үлкен қолды бастаған әскер басы болған тұлға еді.

Балуанның әкесі Мұңайтпас та ірі денелі, қара күштен кенде емес, жуан аяқты кісі болған, ауыл, ел ішіндегі жиын тойлардағы жекпе — жектерге қатысып, жауырыны жер иіскемеген дала палуаны болған көрінеді. Шыққан тегі түгел дерлік батырлар мен күш иелері болған Қажымұқанның анасы мен әжесі туралы да, ол кісілердің  алыпқа тән ірі денелі, салмақты кісілер болған деседі.

Қажымұқанның отбасы. Әр түрлі тағдырдың жазуымен болар төрт рет отбасы құрған, яғни төрт әйелі болған.