АЗАМАТТАРДЫ ҚАБЫЛДАУ ЖАЛҒАСУДА
Шымкент қаласы әкімінің орынбасары Ерғали Білісбеков азаматтарды жеке мәселелерімен қабылдады. Amanat партиясының қалалық филиалында ұйымдастырылған қоғамдық қабылдауға келген тұрғындар отбасы жағдайларын баяндап, тұрғын үй мәселелері мен әлеуметтік көмек, жұмысқа орналастыруға қатысты өтініштерін жеткізді.
Мысалы, тігінші мамандығын меңгерген Маржан Абуова жұмыспен қамту туралы өтінішімен келген. Болашақта өз кәсібін ашқысы келеді. Қала әкімінің орынбасары тиісті сала мамандарына тігін шеберін жұмыспен қамтып, мемлекеттік бағдарлама аясында жеке кәсібін ашуға бағыт-бағдар беруді тапсырды.
Азаматтардың өтiнiштерiн мұқият тыңдаған Ерғали Білісбеков мәселелердiң оңтайлы шешiмiн табуы үшiн заңға сәйкес жұмыстар жүргізіліп, өтініштердің ескерілетінін жеткізді. Қоғамдық қабылдау барысында тұрғындардың өтініштері бойынша жауапты мамандарға телефонмен хабарласып, бірқатар тапсырма жүктеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
