Биыл қаладағы Ақжайық шағынауданында 8 шақырымды құрайтын 16 көшеге жөндеу жүргізіліп, 3 көшеге кешкі шамдар орнатылады. Бұл туралы қала әкімі Қаратау ауданы тұрғындарымен өткен кездесуде айтылды.

Ақжайықта қазір 4 мыңға жуық тұрғын үй бар. Үйлердің басым бөлігі жеке сектор, 35-і көпқабатты үй. Бүгінде елді мекенде 3 мектеп пен 12 балабақша бар.

Шағынаудан электр жарығы, ауыз су және табиғи газбен толық қамтылған.

Өткен жылы 8 балалар ойын алаңшасы мен 2 спорт алаңшасы салынып, пайдалануға берілген. Биыл 10 спорт алаңшасының құрылысы жүргізілуде.

Ықшам ауданда жалпы 72 көше болса, оның 48-і асфалттанып, 24 көшеге шағал тас төселген. 2022 жылы 16 көше, 2023 жылы №1,2,3,4 және 8,9 көше, Астық, Көкшетау, Зеңгі ата көшелері жөнделеді. Ал, 2024 жылы Айнала, Әулие ата, Торғын және атауы жоқ екі көшеге жөндеу жүргізу жоспарланып отыр.

Бүгінде ауданда 8 көше жарықтандырылған. Биыл Балқарағай, Асфендияров көшесі жарықтанса, 2023 жылы Байсбаев пен Қарасай, 2024 жылы Спанов пен Уали ата көшелеріне кешкі шам орнатылады.

ДОСТЫҚ ШАҒЫН АУДАНЫНДА КӘРІЗ ЖҮЙЕСІНІҢ ҚҰРЫЛЫСЫ ЖҮРУДЕ

Қаратау ауданына қарасты Достық шағын ауданында 9 мыңға жуық тұрғын қоныстанған. Бір мектеп, үш балабақша, медицина және учаскелік полиция бекеті жергілікті халық игілігіне қызмет етеді. Бүгінде шағын ауданда кәріз жүйесінің құрылыс жұмыстары қызу жүруде.

Бұл туралы қала әкімінің Асар аумағындағы тұрғындармен кездесуі барысында аудан әкімі Р.Мүлкеманов айтты.

Шағын аудан ауыз су, жекеменшік жүйедегі электр жарығымен, табиғи газбен қамтылған. Кәріз жүйесі құрылысы жүруде, жыл соңында аяқтау жоспарланған. Жаңақұрылыс аумағындағы инфрақұрылым жүйесі жобасына енбеген 425 абонентті де қазір ауыз су, сапалы электр жүйесі, көгілдір отынмен қамтамасыз ету мақсатында абоненттеу жұмыстары жүргізілуде.

2023 жылы сапалы интернетпен қамтылмақ.

Мұндағы 52 көшенің 22-сі асфальт жол, 26-сы тас жол, 4-уі топырақ жол. 2023 жылы – 14 көше, 2024 жылы – 8 көше, 2025 жылы – 13 көше асфальтталады.

Биыл Ақбосаға және атауы жоқ көшелер жарықтандырылады. 2023 жылы – Алғыс және мектеп көшелері; 2024 жылы – Айтұмар, Айдарлы; 2025 жылы – Мамыражай және Жайсаң көшелеріне жарықшамдар орнатылады.

Өткен жылы 2 ашық спорт алаңшасы пайдалануға берілді. Осы жылы 1 ашық спорт алаңшасын салу жоспарланған.

№ 2, 45, 150 бағытындағы қоғамдық көліктер қатынайды.

Шымкент қаласы әкімдігінің баспасөз қызметі