АСАР-2 ШАҒЫН АУДАНЫ ИНФРАҚҰРЫЛЫМ ЖҮЙЕСІМЕН КЕЛЕР ЖЫЛЫ ТОЛЫҒЫМЕН ҚАМТЫЛАДЫ. ҚАЙНАРБҰЛАҚ ТҰРҒЫН АЛАБЫН ИНФРАҚҰРЫЛЫММЕН ҚАМТЫЛУЫ АЙТЫЛДЫ

288

Қаратау ауданына қарасты Асар-2 шағынауданында 11 мыңнан аса тұрғын тұрады. Бір мектеп және бір балабақша бар. Шағын ауданды инженерлік инфрақұрылыммен қамтамасыз ету күн тәртібіндегі басты мәселе.
Шағын ауданда атқарылатын жұмыстар жөнінде қала әкімінің Асар аумағындағы тұрғындармен кездесуі барысында аудан әкімі Р.Мүлкеманов баяндады.
Электр жарығы – 2 139 электр бағаналары орнатылды, 24 КТПГ сатып алынып нысан басына жеткізілді, 30 км электр желісі тартылды. Нәтижесінде 2700 үй электр жарығымен қамтылды. Егжей-тегжей жоспарлау жобасының өзгеруіне байланысты жобаға енбей қалған 1130 үй бойынша ЖСҚ жасалынуда. Мемлекеттік сараптамадан өткен соң, бюджетке ұсынылады. Құрылыс жұмыстары биыл басталса, келер жылы толығымен аяқталады деп күтілуде.
Ауыз сумен және табиғи газбен қамту жұмыстары 2 кезеңге бөлінген. 1-кезекте ауыз су жүйесі 2700 үйге жүргізілген. 2-кезекте қамтылмаған мың үйге мемлекеттік сатып алу конкурсы өткізілуде. Мердігер анықталып, құрылыс жұмыстары биыл басталса, 2023 жылы толығымен аяқталмақ.
38 көшенің 3 көшесі асфальтталған, 35 көшеде тас жол, 6-уы топырақ жол. Биыл Күншоғыр және №1,2,3 атауы жоқ көшелерге асфальт төсеу жұмыстары жүргізілмек. 2025 жылы іс-шара жоспарына сәйкес 100% орташа жөндеу жұмысын аяқтау жоспарлануда.
Өткен жылы Атакент және №8 көше жарықтандырылды. 2022 жылы — Нұржол және №4 көше; 2023 жылы — Күншоғыр және №1 көше; 2024 жылы — №2,3 көшелер; 2025 жылы — №5,6 көшелерге жарықшамдар қойылмақ.
Интернет желісімен 2023 жылы қамтылады. Осы жылы 1 спорт алаңшасының құрылысы басталып кетті.

Қайнарбұлақ тұрғын алабында ең өзекті мәселе – инжинерлік-инфрақұрылым. Бүгін қала әкімі Қаратау ауданы тұрғындарымен кездесуде Р.Мулкеманов осы аумақты инфрақұрылыммен қамту жұмысының барысын айтты.
Тұрғын алабтағы 1 540 үйдің 279-ы ғана ауыз су және сапалы электр жарығымен қамтылған. Қалған бөлігіне ауыз су тасымалданып, жарықты жекеменшік трансформатордан алады.
Ауыз су тарту үшін жобалау жұмысы аяқталып, қазіргі таңда сатып алу конкурсы өтуде. Құрылысы 2022-2023 жылдары жүргізіледі.
Мемлекеттік жүйедегі электр жарығын жеткізу мақсатында құрылыс 2021 жылы басталған болатын. Аяқталу мерзімі 2023 жылға жоспарланып отыр.
Ал, табиғи газбен қамту үшін «МПК проект» жобалаушы мекеме тарапынан ішкі жүйелердің жобасы жасалуда.
Қайнарбұлақта жалпы көше саны 47. Оның 3-і асфальтталған, 39 көшеде шағал тас, 5 топырақ жол. 2023 жылы16 көше (10,6 км), 2024 жылы 13 көше, 2025 жылы 15 көше жөнделіп, асфальт төселеді.
Бүгінде тұрғын алабта 1 әмбебап және 2 спорт алаңшасы бар. Биыл ойын алаңшасын салу үшін бос жерлерге зерделеу жұмыстары жүргізілуде.

Шымкент қаласы әкімдігінің баспасөз қызметі
Фотоға түсірген Береке Сейітжаппар