ЖАТТЫҚ, ШЫНЫҚ, ҚАЛЫПТАС ЖӘНЕ  АТА ЗАҢ ЕЛ ТЕҢДІГІНЕ КЕПІЛДІК БЕРЕДІ

250

Адамдардың дені сау болуы салауатты өмір сүруді қалыптастырумен тікелей байланысты. Бұл ретте спорттың да алатын орыны ерекше.  Осыған байланысты Шымкент қаласы ішкі саясат және жастар істері жөніндегі басқармасының қолдауымен жастар арасында салауатты өмір салтын қалыптастыруға бағытталған біраз жобалар іске асып келеді. Солардың бірі  жақында «Fitness park kz» жобасы іске қосылды.

Жоба аясында   спорттың барлық түрі қамтылған. Бір жақсысы оған тегін қатысып, түрлі жаттығулармен айналысуға болады. Аталмыш жоба қазан айының соңына дейін жалғасады.

Спорттық жобаны өткізуге    Олар — Металлург, Орталық, Жеңіс және дедросаябағы таңдалынып алынды. Жаттығуды білікті нұсқаушылар мен жаттықтырушылар жүргізеді. Жастарға қолайлы болу үшін барлық жағдай қарастырылған.

 

АТА ЗАҢ ЕЛ ТЕҢДІГІНЕ КЕПІЛДІК БЕРЕДІ

ҚР Конституциясы күніне орай Қоғамдық келісім мекемесінде «Ата Заңым – айбыным» тақырыбында дөңгелек үстел мәжілісі өтті. Оған Шымкент қалалық этномәдени орталықтарының жетекшілері мен өкілдері, ҚХА құрылымдарының жетекшілері қатысты.

Мәжілісті қалалық ҚХА төрағасының орынбасары Икрамжан Хашимжанов ашып беріп, жүргізіп отырды. Жиынды құттықтау сөзімен бастаған ол еліміздің басты құжатында қазақстандықтардың нәсіліне, ұлтына, шығу тегіне қарамастан құқықтары мен еркіндіктерінің теңдігіне кепілдік берілгенін атап өтті.

–Еліміздің қолданыстағы Контитуциясы 1995 жылғы 30 тамызда бүкілхалықтық референдум арқылы қабылданды. Конституцияның бірінші бабында Қазақстан Республикасының әрбір азаматы, оның өмірі мен бастандықтарын ең қымбат қазынасы деп көрсетілген. Ата Заңымыз – Қазақстанның ашық, демократиялық, азаматтық қоғам мен құқықтық мемлекет болып қалыптасуы, даму жолындағы ең жоғары заңдық күші бар негізгі заң. Маңызды құжат әлемдегі ең үздік құқықтық тәжірибелерге негізделіп, жоғары заңдылықты сақтай отырып жасалғандықтан, оны оқыған сайын әрбір әрпінен заңның үстемдігі мен ашықтық, теңдік қағидаттары байқалып тұрады, –деді И.Хашимжанов.

Дөңгелек үстелге қатысушылар аталған тақырып аясында сөз сөйлеп, өзара пікір алмасты.

Айта кетсек, қазіргі кезде Шымкент қаласында 17 этномәдени бірлестік жұмыс істейді. Олардың жанында 3 жексенбілік мектеп, 12 жастар қанаты жұмыс жүргізуде.

«Шымкент келбеті»