ТҮРКІСТАН: ПАУЭРЛИФТИНГТЕН АЗИЯ ЧЕМПИОНАТЫНДА ҚҰРМЕТ КӨРСЕТІЛДІ
Моңғолия елінің Ұлан-Батор қаласында пауэрлифтинг спортынан жасөспірімдер арасында Азия чемпионы атанған Арман Тойлыбай, белбеу күресінен Өзбекстан елінің Наманган қаласында өткен Әлем чемпионатының жеңімазы Қайсар Шамшидинов, Өзбекстан елінің Бұхара қаласында өткен джиу-джитсу комбат спортынан Азия чемпионы Мұса Мекенбай жерлестерінің ықыласына бөленуде. Шардара ауданының әкімі Қайрат Жолдыбай спортшыларды қабылдап, жарқын жеңісімен құттықтады. Жеңімпаздарға Алғыс хат пен естелік сыйлықтар табыстады.
Сондай-ақ Шардара аудандық мәслихатының хатшысы Арман Қарсыбаев жеңімпаздармен кездесіп, ауданның спорт саласына елеулі үлес қосып жүрген азаматтарға қаржылай сыйлық табыстады.
Айта кетейік, Тәуелсіз Қазақстанның намысын жоғары деңгейде қорғап жүрген Түркістан облысының талантты спортшылары ғаламат жетістіктерге жетті. Сары құрлық елдерінің ең талантты деген спортшылары қатысқан бұл Азия чемпионтында Әлем мен Азия чемпионатының рекордын жаңартты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
