ТҮРКІСТАН ОБЛЫСЫНДА ЖАУЫН-ШАШЫН САЯБЫРСЫП, ЖАҒДАЙ ТҰРАҚТАЛЫП КЕЛЕДІ
Түркістан облысында қатты жауын-шашын мен қалың қардың еруі салдарынан су деңгейі көтеріліп, көшелерді су басу жағдайы Бәйдібек, Сауран, Ордабасы аудандарында орын алған болатын.
Түркістан облысы Төтенше жағдай департаментінің мәліметінше, қазіргі таңда аталған аудандарда сағат 13:00-ден бастап жауын-шашын тоқтады. Жағдай тұрақталып келеді.
Тұрғын үйлердің су басуына жол бермеу мақсатында, ТЖД қызметкерлерінің көмегімен жаңбыр суын сору және суды айдау жұмыстары жалғасып жатыр. Зардап шеккендер жоқ.
Аталған жұмысқа Түркістан облысы Төтенше жағдайлар департаментінен 63 қызметкер, 9 бірлік техника, 20 мотопомпа және жергілікті атқарушы органдардың 240 қызметкері, 40 бірлік техника, 5 мотопомпа жұмылдырылып, суды сору және арықтарды тазалау жұмыстары жүргізіліп жатыр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
