ОРДАБАСЫЛЫҚ ПОЛИЦЕЙЛЕР АУДАНДАҒЫ СОҢҒЫ СОҒЫС АРДАГЕРІНЕ ҚҰРМЕТ КӨРСЕТТІ
Ордабасы аудандық полиция бөлімінің бастығы Ғалымжан Қуашбаев бастаған полиция қызметкерлері «Жеңіс күні» мерекесі қарсаңында, соғыс ардагері Қалмен Мұратов атамыздың шаңырағына ат басын бұрып, құттықтады.
Ұлы Жеңістің 78 жылдығын тойлағалы отырған ардагерге бейбіт өмір үшін күресте көрсеткен ерлігі үшін шынайы алғысын білдіріп, мерекелік сый-сияпатын табыстады.
Айта кетейік, Қалмен Мұратов 1924 жылы Ордабасы ауданы Бадам елдімекенінде дүниеге келген. Соғыс майданына 18 жасынан аттанған жауынгер, бүгінгі таңда аудандағы соңғы соғыс ардагері болып табылады. Өз кезегінде Мұрат Қалменов жүрекжарды лебізін білдіріп, еліміздің тыныштығын күзеткен тәртіп сақшыларына ақ батасын берді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
