ІШІМДІКТЕН БАС ТАРТЫП, ІЗГІЛІККЕ БЕТ БҰРҒАН АУЫЛ
Ордабасы ауданында «Ішімдіксіз ауыл» акциясы Жусансай, Аққойлы ауылдарынан бастау алып, Төреарық елді-мекенінде жалғасын табуда. Ішімдіксіз өмір салтын қалыптастыру мақсатында ауыл ақсақалдары мен билері бастама көтеріп кейінгі буынға үлгі болсын деген ниетпен ішімдіктен және оны ауылда сатудан бас тартып, жеке кәсіп иелері қолдау білдірген.
«Ішімдіктен бас тартып, ізгілікке бет бұрған ауыл» тақырыбында Қараспан ауыл округіне қарасты Төреарық ауылы тұрғындарының жиынына Түркістан облыстық полиция департаменті бастығының бірінші орынбасары Бағланбек Есенбекұлы Айтпаев және аудан әкімінің орынбасары Азат Оралбаев қатысып, ауыл тұрғындарына шынайы ризашылығын білдірді.
Аудандық полиция бөлімі мұрындық болған бұл шара өзге ауыл округтерінде де жалғасын табады деген үміттеміз.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
